Pages

Monday, January 16, 2017

Лусын хаан


Оны ажлын сүүлийн өдөр нэлээд хэд хоног амрах тул эртнээс ажлуудаа цэгцлээд оройн бага хэмжээний цэнгүүндээ (ажлынхан өөрсдөө идэх зүйлсээ гараа гарган хийдэг ба энэ жил бүгд маш их хичээлээ эрх жил бас хичээгээрэй гэсэн утгатай албаны бус чөлөөт идэж уулт) яг таг бэлэн байдаг байсан сан.

Friday, January 6, 2017

2017 он


Цаг хугацаа, сар өдөр, улирал чинь хурдны галт тэрэг шиг л хажуугаар сүнгэнээд өнгөрдөг болж. Та бүхэндээ 2017 оны мэндийг хүргэе! Гэв гэнэт шинээр төрсөн хүүхэд шиг бүхнийг цоо шинээр эхлүүлнэ гэж байхгүйгээс хойш тууштайгаар шинийг эрэлхийлж түүнийхээ төлөө зүтгэх эсвэл хуучнаа үргэлжлүүлээрэй гэж ерөөе! Сэтгэл санаа өөдрөг байж зорьсоноо биелүүлэх эрч хүчтэй болдог тул сэтгэлийн амар амгалан, эрч хүч, цог золбоог өөртөө бас бусаддаа хүснээ.
Хуучин оноо дүгнэвээс надад ихийг ойлгуулсан, мэдрүүлсэн, бодуулсан, амжуулсан завгүй бөгөөд чи бол тоосны нэг ширхэг шүү гэдгийг ойлгуулсан жил байсан. Энэ онд бас сайнтай муутай олон үйл явдал тохиолдож, тэр бүртээ ихийг сургаж бодуулж хашрааж өгнө байхаа гэж найдаж байна. Их өөрчлөлтийн жил болгох санаатай, амаа ангайгаад хүлээхгүй ээ, өөрчлөнө.

Wednesday, December 21, 2016

Уналт

10 жилд (одоо 12 жил болоод дээр үеийн хүн болох нь ээ хэхэ) биологиор шүүлэг өгөх болов. Манай ангийн нэг охин тэр хичээлдээ тааруухан. Тэгээд шүүлгэн дээрээ заавал онц авна гээд сар гаран солиотой юм шиг хичээлээ уншсан. Шүүлэг болсон, багш тэгж их хичээснийг нь мэдсэн, гэхдээ тэр хүүхдэд урам өгөөгүй. Зүгээр л 4 тавьчихсан.

Tuesday, December 20, 2016

Талархал

Энэ дэлхийд намайг бий болгож, эрүүл саруул өсгөж хүмүүжүүлсэн ээж аав 2-тоо баярлалаа. 
Эрхлүүлж, загнаж, өхөөрдөж, сургаж, сүүлдээ найзан дундаа орсон эгч нартаа баярлалаа. 
Эрх дураараа намайг бусдаас онцлоод энэ насныхаа амьдралыг ааш муутай, өөрийнхөөрөө байдаг надтай өнгөрүүлэхээр сонгосон ханьдаа баярлалаа. 
Ээжийгээ гээд онилоод ирсэн охиддоо баярлалаа. 
Ингэж байж чи хүн таньдаг болно өөр чамд ухаан оруулах боломж алга гээд хууртагдаж, хулхидуулах хүмүүстэй учруулсан бурхандаа баярлалаа. 
Чи энэнээс ч илүүг давж гарч чадна, энийг нэг оролдоод үз дээ гээд асар их асуудал бэлгэлдэг амьдралдаа баярлалаа. 
Хар багаас найзалсан, намайг гэдэг болон намайг ашигладаг найз нартаа баярлалаа. 
Ар урдуур, ил далд шүүмжилж муулж байдаг танил нөхөддөө баярлалаа. 
Амрах юмсан, унтах юмсан, 5 минут тайван суух юмсан гэсэн хүсэл төрүүлдэг барагдашгүй их ажилдаа баярлалаа. 
Энэ л хийж чадах болов уу даалганаа хөө гээд эсвэл хийж суртал нь харж хандахаас даа гэж өөртөө төвөг удан удан миний толгойг илдэг дарга нартаа баярлалаа. 
Энд байснаас тэнд байг, тэгвэл олон хүнд тус нэмэр болчих байх, тэнд байвал нь өөрт нь хайртай хүмүүсээ аварч чадах байх гээд арлын оронд ажиллаж амьдруулж байгаа хувь тавиландаа баярлалаа. 
Байнга холбогдоод байдаггүй ч хааяаа нэг уулзаж учрахдаа хамаг байдгаа дэлгээд, дэлгүүлээд сэтгэл гээчийг цэлмүүлдэг эрхэмсэг хүмүүстээ баярлалаа. 
Эрүүл байх эрхэм бүхний үндэс гэдгийг өрөөлийн зовлонгоор харуулдаг, үе үе бас өөрт минь өчүүхэн ч гэсэн мэдрүүлдэг хорвоо таньдаа баярлалаа. 
Тансаг хангалуун биш боловч таарсан рааманд минь жайжигануулдаг цалин хөлсөндөө баярлалаа. 
Одоо болно доо олон юм чалчаад гээд хамаг бичлэгүүдийг минь дэс дараалалтай алга болгосон блогтоо баярлалаа. 
Уурлаж бухимдаад өөрөө л зовно гэдгийг ойлгосон, өдөр бүр хичээж юм бүхэнд чин сэтгэлээсээ өөрийнхөө түвшинд төгс хийхийг хичээдэг (тэгээд бүтэлгүйтдэг), боломж бололцоо байвал туслачих гээд хичээдэг, өнөөдөр л амжуулна гээд баахан ажил төлөвлөөд тэрийгээ биелүүлэх гэж чичигнэдэг ч заримдаа хөдлөхөөс дургүй нь хүрээд хөшчихдөг өөртөө баярлалаа. 

Friday, November 11, 2016

???

Миний блог болохоо байжээ. 
3 сарын өмнө 2014 оноос өмнөх нийтлэл (publish) болсон бичлэгүүд бүгд эргээд ноорог (draft) болчихсон байсныг мэдээд эргээгээд нийтлэх гэсэн гацаад болохгүй байсан болохоор нь дараа оролдож үзнэ дээ гээд орхичихсон юм. Сая 11 сард манай ажил хаа хамаагүй сайт руу орохыг хориглоно бла бла гэсэн шинэ дүрэм журамтай болов. Тэгээд ажил дээрээ байхдаа блог бичиж чадахаа байх нь гэж бодож байв. Тэгээд сая 10 сард нэг ороод хартал ШОК. Ноорогт байсан бичлэгүүд бүгд устаад, 2016 он хүртэлх бүх бичлэг ноорогт орсон байна. Мэдээж эргээд нийтлэл хэлбэрт оруулж болохгүй гацсан байдалтай. Ажлын интернет хэрэглээний хоригоос болоод ийм зүйл болж байна даа гэж бодоод л сууж байна. Одоо ингээд ноорог болсонгууд нь хэзээ ч юм устах л байх даа. 
Юу болохыг таашгүй тул уншигч байдалд шилжиж байгаагаа мэдэгдэх гээд. Бичсэнүүд нь эхнээсээ устаад, бичих боломжгүй нөхцөл байдалтай болчихсон, шинээр нээх сонирхолгүй, боломжтой бол хуучнаа л үргэлжлүүлмээр байдаг. Юутай ч таг чиг усанд хаясан чулуу шиг алга болоогүй ийм асуудал үүсээд таг болсон гэдгээ блог маань таг ХӨЛДӨХӨӨС нь өмнө амжиж бичиж байгаа нь энэ. Хавраас ГЭСНЭ байгаа гээд л найдаж суухаас. 

Wednesday, October 26, 2016

10-тын зоос


Өглөө багыгаа хөтлөөд албандаа ирцгээсэн юм. Манай бага алхах их дуртай, тэргэн дээр нь өглөөд суулгах гэж дайн байлдаан, бослого, сөргөлдөөн болдгийн. Өнөөдөр дулаахан байсан болохоор алхахаар шийдэв. 

Monday, October 17, 2016

Өөрийгөө голохуй

Өмнө нь өөртөө сэтгэл дундуур байх тохиолдол бишгүйдээ л тохиолдож байлаа. Тэр болгонд өчигдрийн өөртэйгөө бус хэдэн жилийн өмнөх өөртэйгөө өөрийгөө харьцуулж тэр үед бодож тэмүүлж явсан хүсэл зорилго тэмүүлэлдээ хэр зэрэг ойртож чадсанаа, биелүүлж чадсан мөрөөдлүүдээ нэг эргэцүүлж бодоод л чадсан байна, энэ зэргийн асуудал байх байх би чаддаг юм байна гээд л өөрийнхөө санааг амраагаад дахин хийх бүтээх сэтгэлийн их хүчтэй болдог байсан. Энэ удаад чадахгүй байна. Бурхан байдаг бол өөдөсхөн намайг хэт их чангалаад байх шиг санагдах юм. Би хэзээ ч хойш сууж, дундаас нь орхиж, шантарч ухарч үзээгүй. Ханцуйгаа шамлаад л дайрдагсан. Энэ удаад болохгүй юм. Өдөр болгон өөрийгөө голж чамлахаас өөр аргагүй нөхцөл байдал тулгарах юм. Энэ удаад ч гэсэн зугатахгүй тулаад л үзнэ, гэхдээ сэтгэлд минь жоохон гэрэл гэгээ өгчих зүйл олдохгүй эсвэл олж чадахгүй байна. Эндээ бичээд авбал хүч чадалтай болчих ч юм шиг санаад л...