7 хоног

Яг 7 хоногийн дараа шинэ оноо угтах гээд хоол унд хийгээд бужигнаад байж байх нь. 2019 он бол сайхан жил байлаа БАЯРЛАЛАА! Надад боломж олгож бодолд умбуулсан жил байсан.

Why do all good things come to an end

• Ойрд өөртэйгөө их тулж ажиллаж өөрийгөө их сонсож байна. Их сонин сэтгэхгүйтэй нөхөр байна шүү хэхэ.

Тэнцвэр бас бус

• Бүх зүйлийг яг сайхан тэнцвэртэй байлгах л хамгийн чухал юм даа. Тэрийг л барьж чадахгүй аль нэг тийш нь хазайлгаад л болохоо байлгачихаж байгаа нь бид нар өөрсдөө юм. Хүн угаасаа хэрэгтэй зүйлээ идэхгүйгээр оршин тогтнохгүй, идчихээд шингээж хөдөлж байх хэрэгтэй атал сүүлийн үед идэлт нь ихсээд хүн төрөлхтөн тэр аяараа бодисын солилцооны эмгэгтэй болчих жишээтэй. Шунал болон түүнийгээ удирдан залж чадахгүй байгаатай л холбоотой зүйл. Ухамсартай хүний хувьд удирдан залж сурах л чухал юм даа. Хоёр охиндоо зааж сургах зүйлийн нэг юм шүү гэж бодох болсон. Түүнээс бус дандаа биенд сайн юм идлээ гээд эрүүл саруул байх нь хаа ч билээ дээ. Архи дарс огт уухгүй байх нь сайн гээд уухгүй байх нь бас утгагүй, хааяа нэг зүгээр шүү дээ. Гол нь өөрийнхөө хэмжээг мэддэг байх, тэр хэмжээндээ хүрсэн бол боллоо гээд больдог л байх хэрэгтэй. 

Түс тас түмпэн шанага

… болсон шүү дээ. Тухайн үедээ нервтээд хэцүү байсан ч харин ч сэтгэлийн амар амгаланг эдлээд хачин сайхан болсон. Хэрэгт дурлах уу хэхэ…

Ахлах сургууль

Том маань ахлах сургуульд орохоор бэлдэж байгаа болохоор, өөрийн эрхгүй тэр талаар судлахаас өөр аргагүй болж байгаа юм. Монголоос бол шал өөр л дөө. Гэхдээ дээр үеийн буюу социализмын систем шиг ч юм шиг хэхэ. Яагаад гэвэл нөгөө сурлага, хөдөлмөр, урлаг спортын амжилт бас их нөлөөтэй юм. Бусад муж бараг ялгаагүй гэж бодож байна. Ингээд Токиогийн ахлах сургуульд элсэн орох үндсэн зарчмын талаар сонирхуулах гээд. 

Баян намар

Гэдэг байхаа. Тийм л намар болж байна даа. Амжилт ихтэй, асуудал ихтэй хэхэ. 

Үл ойлголцол

Бодож байгаа зүйлээ харилцан ярьж байгаа хүндээ 100% зөв ойлгуулна гэдэг чинь их хэцүү юмаа. Нөгөө хүнээ надаас юу хүсч байгааг мэдрэнэ гэдэг чинь ямар их мэдрэмж шаарддаг эд вэ бурхан минь.

Дэмий шахуу

• Энэ жил учиргүй их халаагүй л байна, одоохондоо. Борооны улирал бусад жилийн дунджаас арай удаан үргэлжилж байгаа бөгөөд өмнө зүгийн бус хойд зүгийн агаарын урсгал илүү түлхүү ирж байгаагаас 7 сар гарчихаад байхад л 25 орчим хэмтэй надад бол таатай сайхан л байна. Гэвч нар байхгүйгээс, бороо ус ихтэйгээс болж хүнсний ногооны ургацанд нөлөөлөөд үнэ нь нэмэгдэх магадлал өндөр тул эргээд таатай сайхан байгаа надад эдийн засгийн хувьд асуудал үүсгэхээр болж байх шиг байна. 
• Ойрд ажлаа хийнгээ БИТГИЙ СОНС гэдэг подкаст-г сонсож байна. UB comedy-н залуус хийж байгаа. Хааяа нэг сонсоход давгүй санагдсан. Бас Ellen DeGeneres-г үзэж сэтгэл санаагаа сэргээж байгаа. Stand up comedian болохоор дээрхи монгол залуустай ижил зүйл эрхэлдэг гэсэн үг. 
• Натто идэж эхэлсэн, таалагдаж байгаа. Ферментийн аргаар эрдэнэ шиш-с гаргаж авдаг, Монголоор орчуулж мэдэхгүй юм, нэг төрлийн зунгааралдсан шошны төрөл юм уу даа. Анх хараад үнэр болоод үзэмж нь таалагдахгүй идэж зүрхлэхгүй л явдаг байлаа. Биед хэрэгтэй зүйлс их агуулдаг болохоор охиндоо идүүлж эхлээд их удаж байна. Сүүлийн үед охин ээж ид гэж хоргоогоод, хэлсэндээ хүрэх гээд зориглоод идээд эхэлсэн. 
• Эхнэр нөхрийн хэрүүлийн тухай, аав ээж нь муудалцахаар их хэцүү байдаг тухай хүүхдийн нэвтрүүлгээр гарсаныг манай бага үзчихээд аав та 2 хэрэлдэж үзсэн үү гэж асуугаад, том охин бас нээрээ хэрэлдэж үзсэн үү гээд. Бид 2 хэрэлдэж үзээгүй, зөрчилдөж байсан, гэхдээ хүүхэдгүй байхдаа. 2 охиндоо эвтэй сайхан харагдаж байгаадаа дотроо их баярласан. Гэхдээ жүжиглэлт биш, байгаа нь л энэ болохоор бүр сайхан байлаа. 
• Ажлын нөгөө хүүхэн нерв барсан хэвээр. Нэг төхөөрөмжийг дундаа хэрэглэдэг. Үдээс өмнө би, үдээс хойш тэр. Гэвч саяхан яаралтай ажлын шаардлагын улмаас тогтсон цагтаа бус үдээс хойш хэрэглэхээс өөр аргагүй болоод бэлдэж орхиод хуралд орчихсон. Араас хэд ч ярив, хэзээ ашиглах юм бла бла. Миний буруу ч гэлээ албаар биш ажлын шаардлагаар ажиглах цагт өөрчлөлт орсоноо мэдэгдээд уучлалт гуйсан, намайг очтол миний юмыг холдуулаад ашиглаж бай гэж хэлсэн. Эргээд иртэл хүний юманд гар хүрэх хүмүүжил байхгүй, Пиглет хаанаас хүний юмыг холдуулж өөрөө ашиглах хүмүүжил олж авсын гэж тохуутай нь аргагүй асуусан. Үл тоосон царай гаргасан ч дотроо ууртай байсан. Хамгийн гол нь ердөө миний нэг доголдол дээр тоглолт хийж надаар тохуурхаж байж. Үнэндээ тэр төхөөрөмжийг тэр 7 хоногт огт ашиглаагүй (ашигласныг мэдэхэд амархан) бөгөөд ердөө өөрийх нь ашигладаг цагт буюу үдээс хойш ашиглахаар бэлдсэнд минь хорсож намайг үгээр идэж, өдөж хоргоож байж. Дотроо бачимдсан ч ил гаргаагүй, тэнэг биш тул худлаа сүржигнэснийг ойлгож ядах зүйлгүй. Зүв зүгээр байхад л хүнээр оролдоод, би тэсэхгүй уурлачихвал эргүүлээд Пиглет намайг гадуурхсан гэж хэлэх болохоор дотроо тэр бүхнийг нь мэдээд уур хүрч байгаа ч ил гаргаагүй, гаргахгүй угаасаа. Тэвчиж сурч байна. Гэхдээ дотроо хадгалж эд эсээ үхүүлмээргүй байгаа тул эндээ бичиж байна. 
• Удахгүй буйраа сэлгэх бодолтой байгаа тул ажлуудаа цэгцлээд зав муутай байгаа. Хийнэ гэж хариуцсан ажлуудаа дуусгаж аваад гэнэт явахаар төлөвлөж байна даа. 

Юугаа хийгээд байгаа юм?

Энэ үг намайг ямар их цочоовоо!!!!

Загнуулсан

Хүүхэд том болно гэж нээрээ. Бага охиндоо загнуулсан шд. 

Цэцэрлэгт нь хүргэж өгөхөөр явж байсан чинь алхаж гишгэж байгаа хөл, савчиж байгаа гар нь эгдүү хүргээд болдоггүй. Тэгэхээр нь 2 хуруугаа гозогонуулаад нөгөөхийг чинь өдлөө дөө. Учиргүй инээгээд л ээж яагаад байгаа юм гэнээ хэхэ. Охинтойгоо тогломоор санагдаад гэсэн чинь байдал биш болсон. Хөмсөгөө зангидаад л би одоо цэцэрлэгтээ явж байна, та намайг хүргэчихээд ажилдаа яв, юун тоглох, орой гэртээ уулзаад тоглоё за юу гэнээ. Чухал царайлаад тэр хэлж ярьж байгааг нь хараад улам эгдүү хүрсэн ч биеэ бариад за гэсээн. Орой ажлаа тараад ирсэн чинь тоглохоор хүлээж байсан. Шал өөр тоглоомоор хэхэ. Гэхдээ тоглосоон. 

Гутрал

Саяхан олж сонссон зүйлээ хуваалцах гээд. Амархан хямардаг, сэтгэл санаагаар унадаг болон унадаггүй хүний ялгаа гэсэн. Цаг агаарт ач холбогдол өгөөд, өмсөх хувцас идэх зүйлдээ учиргүй анхаараад л бороо ороод хамаг ажил нураалаа гээд л заримдаа нээх хэцүү санагддаг хүмүүс байдаг даа. Хажууд нь хийх ажлаа хийгээд, цаг агаар мэтэд анхаарлаа хандуулахгүй, нэг ёсондоо байгалийн хүчин зүйлд автахгүй хүмүүс бас байдаг даа. Энэ 2 төрлийн хүмүүсийн аль нь сэтгэл гутралд ордог гэж бодож байна?

Би одоогоос хэдэн жилийн өмнө эндхийн халуунд, борооны улиралын чийгэнд, өвлийн жихүүн хүйтэнд, далайн хар шуурганд маш их ач холбогдол өгдөг эхний төрлийн ядаргаатай ч гэмээр хүн байлаа. Сүүлийн хэдэн жил тэр болгонд анхаарал хандуулах завгүй болчихоод хүйтэн халуун, бороо цасанд ажрахгүй урдах ажлаа амжуулж дуусч л байвал сэтгэл ханадаг күүл амьтан болсон 2 дахь төрлийн хүн болсон. 

Гэтэл эндхийн сэтгэл зүйчийн судалгааны үр дүнгээр бол хариугүй жижиг үйлд ач холбогдол өгч хямраад байсан хэдэн жилийн өмнөх би биш хачин күүл одооны би депресст орох магадлал өндөртэй гэнээ. Яагаад гэж үү?

Эхний төрлийн хүн бол өөртөө анхаарал тавиад өөрийгөө бүхнээс хамгаалахад бэлэн тул амьдрах асар их хүсэл эрмэлзэлтэй, амьдралаас аз жаргал зовлон зүдгүүр аль алийг нь баярлан хүртэж тэр болгонд тохирсон урвал үзүүлээд инээх үедээ инээж уйлах үедээ уйлж сэтгэл зүйн хувьд тэнцвэртэй байдаг гэнэм. 

Дараагийн төрлийн хүн байнга күүл байсаар баярлаж хөөрөх, гуниж гутрах нь харьцангуй бага, өөрийгөө хайрлах цаг зав муутай, өөртөө цаг зав гаргадаггүй бөгөөд хүн гээч амьтны гол өгөгдөхүүн сэтгэлийн хөөрөл нь байхгүй ч юм шиг болоод өөрөө ч анзаараагүй байж байгаад депрессийн үүд хаалгаар орж явчихдаг гэнэм. 

Өөрсдийгөө нэг дүгнээд үзээрэй. БИ ч бас эргээд цаг агаартаа хямрах минь хэхэ. 

Нүүх үү эсвэл…

Xүндэлж хайрлаж явдаг нэг багшийн маань хэлсэн үг л бодогдоод болдоггүй. Нэг бодлын угаасаа ингэдэг юм байна гэж санаа амрах шиг, нөгөө бодлын хаа нэг тийш нэг алхам хийхгүй бол болохгүй гэдгээ улам гүнзгий мэдрэх шиг болов. 

How?

Unread-г их уншдаг. Гэхдээ заваараа 7 хоногт нэг шагайдгийн. Би хэрхэн ажилладаг вэ? гэдэг буланд таньдаг хүмүүс орж харагддаг юм. Өөрөө нэг хариулж үздэг юм бил үү гэж бодоод. Эхлэе!

Хайран

Гэр бүлийн найз гэр бүл байдаг юм. Өмнө нь хичээж байгаад жилд заавал 2 удаа уулзалддаг байлаа. Сүүлийн хэдэн жил хааяа 1 удаа зарим жил огт уулзалдаж амжихаа байсан. Гэтэл өнөөдөр хос 2-н нэгнээс салсан тухай сонсоод үнэндээ ХАЙРАН санагдаад болдоггүй. Өнгөн дээрээ болж байгаа л гэж харагдаад байдаг байж дээ, эсвэл гэнэт л хэн нэг нь хувирч дээ гэх мэтээр нэгэнт тэдний гаргачихсан шийдвэрийн араас нэхэл дагал болон бодов. Хэн хэнд нь ямар хэцүү байгаа бол доо. Дунд нь хүүхэд ХАЙРАН. Гэвч таарч тохирохгүй хүйтэн харилцаан дунд хүйтэн хүн болж өссөнөөс аав эсвэл ээжийн хэн нэг нь хажууд нь байхгүй ч аз жаргалтай халуун биш ч бүлээн орчинд өссөн нь дээр болов уу. 

SNS

Амьд харилцааны тухай бичигдэх болно. Хэн нэгэнтэй нүүр тулалгүйгээр харилцах осолтой. Ялангуяа ямар нэг асуудлыг шийдвэрлэх үед (албанаас бусад). Тухайн үеийн байдлаа нүүр царай, үйл хөдлөл, дуу хоолойны өнгө аяс зэргээ мэдрүүлж байж өөрийгөө зөвөөр ойлгуулна.

Drone

Хэл усандаа ер нь тааруу хүн л дээ би гээч нь. Яахав өөрийн хэмжээнд харилцаад болоод байвал тэгсхийгээд орхичихдог сул талтай. Тэгээд яахав 10 жилд байхдаа монгол хэлний хичээл дээр ухаж ойлгохгүйгээр их олон зүйр цэцэн үг цээжилж байсныгаа сүүлийн хэдэн жилд учиргүй ухамсарлаад ойлгоод байгаа. 

Тэвчээр хайрла

Их л хичээх юм, даанч тэр нэг хүнтэй тааралдах, хамт юм хийх давтамж ихсэх тусам миний тэвчээрийн тэр нэг нарийхан утас нь тасарчихаад байх юмаа. Маш их итгэж найддаг, гар нийлэн ажилладаг, асуудлыг эрүүл ухаанаар хардаг гэж найддаг 2 хүнд тэр хүнтэй байхад үүсдэг асуудлын талаар хэлж сэтгэлээ жаахан тайтгаруулдаг юм. Сүүлдээ өөрийгөө үзэн ядах гэж байна шд. Байнга л тэр хүнийг ярих юм, тэгээд бүр варугүчи (хүн муулах) болчихоод байгаа болохоор. Би арай ч ингэж хүн муулаад явдаг хүн биш дээ, өөрийгөө танихаа байчих гээд байна. Тэр хүнээс холдож байж өөрийгөө авч үлдэхдээ тулах нь сүүлдээ. Ажлын бүтээмж болоод чадамж тун муутай хүн, хариуцлагаас байнга айж явдаг, өдий болтол хийж бүтээсэн үр дүн гээч тэр хүнд байгаа бол ихэнхийг нь би хийж өгсөн гэхэд болно. 4 сар гэхэд күби (халагдах) болох нь тодорхой байсан тул жоохон л тэвччих гээд өөрийгөө аргадаад байсан чинь тэр нөхөр үлдэхээр болчихож (ямар аргаар??!!) гэдгийг сонсоод өөрөө гараад явчихмаар санагдаж байна. Даанч ойрд наалдаад байсан нь тийм учиртай байж хог гэж. 

Юу ч мэдэхгүй, бие дааж юм хийж чаддаггүй өчүүхэн нэгнээс болж өөрийнхөө хийж байгааг хаяж явах амьтан биш ч гэлээ үнэн дарамттай санагдаад эндээ л санаа сэтгэлээ хөнгөлж сууна даа. Энэ нэг жилийг, энэ нэг хүнийг тэвчээд гарчихвал намайг диваажин хүлээж байгаа л гэж найдаад зүтгэхээс өөр арга байхгүй болжээ. Надад тэвчээр хайрла...

Учиртай

Өнөөдөр жаахан таагүй мэдээ сонссон болохоор ажил хийх гэсэн тормоз гишгэгдээд болдоггүй. Зайлшгүй хийх зүйлсээ хийчихээд ингээд өөртөө зав гаргаад сууж байгаа нь энэ. Мэдээний хувьд бол иймэрхүү зүйл сонсоно гэж мэдэж байсан ч юмыг яаж мэдэх вэ гэсэн хүлээлт сэтгэлийн мухарт байсан болтой. 

Дүгнэлт үргэлжлүүлээд чармайлт

Та бүхэндээ шинэ оны мэндийг хүргэе! Биеийн болон сэтгэлийн эрүүл энх, амар амгалан байдлыг хүсээд энэ оны анхны бичлэгээрээ мэндчилье.